Прилепчани платија појадок на туристи кои немаа кеш, Србите јавно им се заблагодарија: „Ни ја вратија вербата во луѓето“

Детали

вторник, 01 јули 2025

„Зедовме бурек, но изненадување - не примаат картички, а не ни текна ни да прашаме. Додека се распрашувавме каде има менувачница (секако не е блиску), ни пријдоа еден маж и момче кои појадуваа на масата до нас и ни го платија појадокот“ - вели Србинка, изненадена од потегот на двајца прилепчани. 

Во Фејсбук групата „Грчка инфо“, каде корисници од целиот Балкан споделуваат свои искуства од летувањата и патувањата во Грција, каде што бараат совети, но и помош, осамна објава на српски туристи која ги топи срцата.

Извесна Надежда Ќортановиќ, откри дека било пријатно изненадена во Прилеп, кога маж и момче во пекарница платиле за нивниот бурек, зашто таа и луѓето со кои патувала, со себе немале кеш.

Во нејзината објава пишуваи:

„Убаво искуство од Прилеп. Се враќаме од Грција, па застанавме во пекарницата.

Ние тројца зедовме бурек, но изненадување - не примаат картички, а нам не ни текна ни да прашаме.

Додека се распрашувавме каде има менувачница (секако не е блиску), ни пријдоа еден маж и момче кои појадуваа на масата до нас, и ни го платија појадокот.

Не сакаа ни да слушнат да ни го дадат бројот на нивните сметки за да им префрлиме пари!

Значи, ако случајно се во групава, сакам уште еднаш да им се заблагодарам од срце и да им посакам сè најдобро во животот! Затоа што, ваквите луѓе ја враќаат вербата во луѓето!“

Овој потег на двајцата прилепчани доби бројни пофалби од членовите на групата.

„Нашите браќа, Македонци“,

„Тоа е мојата Македонија“,

„Постојат такви прекрасни луѓе поради кои и јас се трудам да помогнам ако можам - малите гестови ја враќаат вербата во луѓето, а тоа е најважно“,

„Браво, има уште добри луѓе“, се дел од коментарите.

А. Ј. | Црнобело