Наша актерка од МНТ искрено порачува: „Сакам луѓето во театар секогаш да дојдат дотерани“

Детали

четврток, 12 февруари 2026

„Секогаш сакам луѓето во публиката да дојдат дотерани. Значи, не одиме во тренерки во театар... Тоа е првиот знак дека ја почитуваш уметноста и тоа што некој го направил за тебе“, вели Наталија Теодосиева, една од нашите најуспешни актерки од помладата генерација.

Актерката Наталија Теодосиева (35), родена во Кочани, гостуваше во подкастот „Што го врти светот” на Јована Аврамовска, што се емитува на Телма телевизија, секоја недела од 17 часот.

Таму таму проговори на многу теми поврзани со театарот.

Инаку, Наталија е театарска, филмска и телевизиска актерка и е една од поистакнатите претставнички на помладата генерација актерки во Македонија.

Таа покрај низа театарски претстави, има остварено улоги во повеќе македонски и меѓународни филмски проекти, меѓу кои се вбројуваат: „Врба“, во режија на Милчо Манчевски и „Најсреќниот човек на светот“, во режија на Теона Стругар Митевска.

Инаку, за театарот Наталија вели: „Мислам дека е многу интересно во животот да набљудуваш некој туѓ живот, а тоа е публиката во театарот“.

Потоа, на прашањето од Јована: „Како ти го замислуваш идеалното искуство на одење во театар и публика во МНТ?“, Наталија сподели дека би сакала публиката да доаѓа дотерана и со тоа да покаже почит кон уметноста.

Наталија на оваа тема вели:

„Па, секогаш сакам прво да дојдат дотерани. Значи, не одиме во тренерки во театар...

Тоа е првиот знак дека ја почитуваш уметноста и тоа што некој го направил за тебе.

Публиката прво што треба да доживее во театар е чувството на задоволство пред сè и тоа е на некој начин привилегија.

Ние сме 100% во моментот додека ја изведуваме претставата, 100% сме спонтани и ние на некој начин ги доживуваме одново работите и на некој начин работите стануваат наши лични.

И големо е задоволството да го гледаш тоа“.

Кликнете на видеото:

С. С. | Црнобело