„Мајка ми почина, по погребот јас морав да се појавам во емисијa“ - Димитар Атанасовски за најтешкиот дел од водителската професија

Детали

петок, 18 јули 2025

„Мајка ми почина, а дента јас отидов на емисија од 14 до 16 часот. Погребот беше тој ден до 12, а јас во 14 отидов во емисија...“, открива Димитар за најтешкиот ден во неговата кариера во радио.

Димитар Атанасовски по цели 15 години поминати во „Сити радио“ на 30-ти април последен пат ја водеше својата емисија „Кажи да во 2“ и стави крај на својата водителска кариера во радио.

Сега, во гостување кај Здравкица Милиќ во емисијата „Животна приказна“ тој проговори искрено како дошол до оваа одлука, но и кои се најтешките аспекти на оваа работа.

Проговори и за најтешкиот миг во неговиот живот кога починала мајка му, а кога потоа морал да се појави на емисија.

Неговата исповед гласи:

„Мајка ми почина, а дента јас отидов на емисија од 14 до 16 часот. Погребот беше тој ден до 12, а јас во 14 отидов во емисија, затоа што народот не го интересира дали ти имаш убави моменти или лоши моменти во животот, туку едноставно ти си таму за да забавуваш.

Ти си таму за да го привлечеш вниманието, ти си таму на тој човек да му направиш да му е интересно денес, а не обратно, не да му ја исцицаш ти енергијата на него денес.

И сфатив дека терминот којшто го имам од 14 до 16, практично е од 13 до 17 часот и е половина работно време и мене многу време ми одзема... Плус и со децата обврски, плус и дополнителни ангажмани и нешто морав да пресечам и, за жал, тоа беше радиото.

Но, мене ми е многу драго што на пријателски начин се разделивме со сопствениците и структурата на Сити радио“.

Кликнете на видеото:

Повеќе фотографии од Димитар со Сара Мејс и децата, кои се негова најголема мотивација и поддршка:

С. С. | Црнобело