Татјана Лазаревска се врати од Австралија, па ја одведе мајка ѝ на иселеничка забава: „Мојата кралица“

Детали

петок, 25 јули 2025

Фолк-пејачката Татјана Лазаревска си дојде во родната Македонија по скоро 2 години, па веднаш замина на иселеничка забава во Битола.

Татјана Лазаревска, која 12 години живее во Мелбурн со сопругот и двата сина, по скоро две години, повторно е во Македонија.

Таа дојде во родната земја заедно со синот Петар, а на фотката од аеродромот, што ја објави на Фејсбук, откри дека втората половина од семејството, односно нејзиниот сопруг Новица и синот Стефан, ќе дојдат наскоро.

И, веднаш штом стигна во Македонија, Татјана замина во Битола на иселеничка забава на која пееја неколку нејзини колеги музичари, а запеа и Тања.

Фолк-пејачката на забавата дојде во друштво на мајка ѝ Снежана, со која е многу блиска, а која пред неколку месеци им беше на гости во Австралија.

„Со мојата мајка, мојата кралица“, напиша таа на фотографијата.

А под неа се редеа пораките на поддршка: „Една фотка, илјада спомени“, „Секогаш да сте вака насмеани заедно“, „Да си ја чуваш, една е мајка“.

Погледнете ја објавата на Татјана:

А. Ј. | Црнобело