Се омажи Дани Димитровска - блеска во бело покрај саканиот Горан

Детали

четврток, 11 септември 2025

По долги години врска, која се трудеше да ја чува подалеку од очите на јавноста, пејачката Дани Димитровска се омажи со Горан Веселиновски - Весел.

Дани Димитровска вчера (10.09) му кажа „ДА“ на својот сакан Горан Веселиновски - Весел.

Парот направи интимна венчавка, а Дани блеска покрај својот сопруг, синот Лазар и ќерката на Горан од првиот брак.

Таа на Инстаграм Стори објави две фотографии од венчавката - на едната со децата, а на другата сама покрај некогашниот кошаркар.

Невестата избра бели панталони во комбинација со бела ролка без ракави и со карнери, додека Горан е во бела кошула.

Ова е втор брак за Дани, која првиот пат се омажи на 20 години, а потоа на 21 го доби синот Лазар.

Нејзиниот сопруг, Горан, пак, е поранешен кошаркар, а сега директор на КК „Работнички“.

Прочитајте и Дани Димитровска: „Станав мајка на 21 година, сите мои другарки излегуваа во град, јас бев дома со гу-гу“

А. Ј. | Црнобело