Милош од валандовско: „Работам во училиште, но го сакам земјоделието - семејно гроздоберот ни е традиција“

Детали

четврток, 25 септември 2025

„Убавината на гроздоберот е тимската работа. Годината беше родна, времето нè послужи и произведовме грозје со исклучително добар квалитет“, вели Милош Кецојевиќ (40), секретар во основно училиште во село Јосифово и земјоделец. Порачува дека традицијата на гроздоберот мора да си ја негуваме.

Милош Кецојевиќ  (40) работи како секретар во ООУ Страшо Пинџур во село Јосифово, а се занимава и со земјоделие, како дополнителна дејност со своето семејство во родното Јосифово, општина Валандово.

Периодов се случува гроздобер, а Милош за CRNOBELO.com вели:

„Во моментот имаме берба на грозје сорта модавија, на површина од околу 2.3 хектари, имаме околу 3.800 калеми грозје.

Годината беше родна, времето нè послужи и произведовме грозје со исклучително добар квалитет за пласман на европските пазари и маркети.

Откупната цена е иста со претходните години со тоа што имаме зголемување на цената на трудот, препарати, нафта и останати трошоци.

Гроздоберот ни помина во најдобар ред, имаме околу 68 тона прва класа грозје.

Убавината на гроздоберот е тимската работа.

Имаме екипа којашто бере, друга го пакува и чисти грозјето за да се добие во квалитет при извоз и трета екипа којашто врши транспорт на грозјето.

Продолжува на следната страница...