Тина од Струмица воодушеви на германскиот The Voice - Жирито со подзината уста, се „степаа“ кој да ја земе во својот тим

Детали

петок, 03 октомври 2025

Во првото појавување пред жирито, нашата Тина ја пееше Do It Like a Dude од Џеси Џеј и толку многу го воодушеви жирито, што дел од нив буквално подзинаа и се „степаа“ кој прв ќе го притисне копчето за да покаже дека ја сака Тина во својот тим.

Тина Русева (20) е родена во Струмица, но живее во Леверкузен, Германија.

Таа пее одамна, и тоа толку добро што уште во детството настапуваше на Славјански базар во Белорусија, каде што освои 2. место, а беше и лауреат на „Езерски бисери“, фестивал кој се одржува во Струга.

Но, таа сега ја освои и германската публика, откако почна да се натпреварува во германската верзија на музичкото шоу The Voice, кое е едно од најголемите во светот за откривање музички таленти.

Тина неодамна преку Инстаграм најави дека ќе се натпреварува во шоуто, а дека нејзиниот прв настап ќе се емитува на 02.10.

Во првото појавување пред жирито, таа ја пееше Do It Like a Dude, песна од Џеси Џеј, и растури, а тие останаа буквално со подзината уста и се „степаа“ кој прв ќе го притисне копчето за да покаже дека ја сака во својот тим.

Тина објави и видео од својот настап, а доби бројни пофалби и честитки и за пеењето и за поминувањето во следниот круг од натпреварувањето.

Кликнете на видеото за да го погледнете настапот на Тина:

Повеќе фотографии:

А. Ј. | Црнобело