Лозано првпат објави фотка од синот за прв роденден: „Да си ни жив и здрав, синко мој“

Детали

сабота, 18 октомври 2025

„Бебушек Марко денес ни прави 1 годинка“ - стои во дел од описот кој Лозано го напиша по повод првиот роденден на неговиот син Марко, на првата фотографија објавена од наследникот откако го доби во тајност со својата партнерка. 

Влатко Лозаноски во октомври 2024 во тајност доби син и веста за приновата ја чуваше далеку од очите на јавноста.

Лозано не сака јавно да зборува за својот приватен живот, па досега немаше ништо објавено ниту за партнерката, ниту за синот.

Првпат го покажа својот наследник 8 месеци по раѓањето, во видео во кое пееше песна како најава за настап на фестивал.

Денес, синот Марко полни 1 година, а по тој повод пејачот објави прва фотка од него.

Тој сподели фотографија на Инстаграм Стори, направена во домашна атмосфера, каде малото момче потпрено на проодувалка слуша детска роденденска песна.

„Бебушек Марко денес ни прави 1 годинка. Да си ни жив, здрав, секогаш среќен и весел синко мој. Те сакаме!“ – стои во описот.  

М. М. | Црнобело