„Даниел храбро се соочил со киднаперите, поминал неколку часа во станица“ - Миланка Рашиќ по разговорот со Кајмакоски

Детали

недела, 08 февруари 2026

Миланка Рашиќ, долгогодишна блиска пријателка на Даниел Кајмакоски, откри дека се слушнала со пејачот и ги потврди сите пишувања за киднапирањето.

Новинарката Миланка Рашиќ, која е ПР, но и долгогодишна блиска пријателка на Даниел Кајмакоски, на Фејсбук објави информација со која ги потврди сите пишувања на српските медиуми дека тој бил киднапиран ноќеска.

Таа напиша дека се слушнала со пејачот, дека тој е добар, и дека во моментов му треба мир, па им се заблагодари на сите што се грижат за него.

Во објавата, која е споделена и на Фејсбук страницата на Даниел, пишува:

„Драги пријатели,

веста дека Даниел Кајмакоски бил киднапиран ноќеска во близина на Бетон хала во Белград е точна.

Зборував со Даниел пред малку, добро е. По ноќта помината во полиција, сега е дома.

Она што можеме да го потврдиме е дека полицијата трага по непознатите сторители кои се странци, кои го врзале и го возеле во неговиот автомобил барајќи му 20.000 евра.

Возеле накај Рума, кога сообраќајната полиција се обидела да ги запре. Возилото удрило во банкина, киднаперите излегле од автомобилот и избегале.

Даниел потоа поминал неколку часа во полициска станица.

Од она што го чув од Даниел во краткиот разговор, ми се чини дека многу смирено и храбро се соочил со киднаперите.

Сега му е потребен мир и во интерес на полициската истрага нема да дава изјави.

Им благодариме од срце на сите добри луѓе кои се јавија и се грижат за него.

Миланка Рашиќ, ПР“

Прочитајте и Киднапиран Даниел Кајмакоски, најден врзан во автомобил - Барале 20.000€, објавена и снимка од возилото

А. Ј. | Црнобело