Игор Џамбазов во прегратка со сестра му Тања: „Една е сестра, плус од Америка. Доаѓа како торнадо“

Детали

петок, 03 април 2026

 „Не се гледаме често, но секојпат кога ќе се видиме како вчера да завршил разговорот и сега си го продолжуваме кафето. Секогаш сме биле двајцата еден за друг тука“, изјави во една пригода Тања за Игор, а сега тој открива дека таа е неговото пролетно ветренце, а заедно го носеа и неговиот миленик на ветеринар.

Игор Џамбазов неретко истакнува колку ја сака својата сестра Татјана Џамбазова, која милува да ја вика Тања, и за која отсекогаш верувал дека Македонија е премала, а сега истото го мисли и за светот.

Татјана е авантурист и вљубеник во животните, природата и животот општо. Со децении живее во Сан Франциско, но постојано патува, а посебно место во нејзиното срце има Африка.

Сега, таа беше на посета во Македонија, Игор објави фотографија прегрнат со неа и напиша:

„Една е сестра. Плус од Америка. Доаѓа како торнадо, си оди како пролетно ветренце...“

Тој во една пригода се пошегува дека таа му е и доктор и банкар и сила.

За време на престојот во Македонија, Тања имаше искуство и со еден ветеринарен центар каде го носеа миленикот на Игор и во коментар напиша:

„Преживеа пациентката, ама се 'муртеше' за капките за уши кога ѝ ги давав, вика: „Што ми даваш ти капки, јас си сакам Александра (се мисли на ветеринарката) да ми ги става (ха-ха)...“

Продолжува на следната страница...