„Срцето ти се радува“ - Актерот Владо Јовановски стана дедо, пее со син му на мекици за внукот

Детали

понеделник, 06 април 2026

„Етеее и мекиците за внукот Михаил биднаа! Станав дедо... На секого му посакувам да си дочека ваква радост!“, сподели актерот Владо Јовановски, кој се весели со синот Григор, а снаата Сара ја нарекува принцеза.

Актерот Владо Јовановски стана дедо и од синот Григор и снаата Сара го доби внучето Михаил.

Григор Јовановски е успешен актер, по стапките на татко му, а Сара Митова е некогашна македонска репрезентативка во ракомет.

На мекиците организирани по повод раѓањето на Михаил, Владо пее прегрнат со својот син.

Тој му е огромна поддршка на Григор, а на свадбата со Сара во јуни 2025 година позираше со македонското знаме и во описот напиша: „Среќен свекор“.

Владо тогаш, со фотките на Фејсбук, напиша и: „Си ја земавме, нивната, а сега и наша принцеза: Сара Јовановска“.

Сега, пак, по повод раѓањето на внучето сподели:

„Етеее и мекиците за внукот Михаил биднаа! Станав дедо...

На секого му посакувам да си дочека ваква радост!

Таткото на таткото е татко!  Дедо Владо е татко на таткото на Михаил – Григор.

Не е важно дали ќе ја погодиш песната, прекрасно е кога срцето ти се радува!

Сите да си дочекате ваква радост, од сè срце Ви посакувам“.

Видео од Владо со синот на мекиците:

С. С. | Црнобело