Емилија Мицевска од плажа во 8-иот месец од бременоста: „Со трудница не се зборува нападно и со бескрајни совети“

Детали

четврток, 21 мај 2026

„Со трудница не се зборува гласно, навредливо, како светот да знае подобро од нејзиното тело. Со трудница се зборува понежно. Светот треба да внимава на зборовите што ѝ ги упатува на една жена во период кога таа е истовремено најсилна и најчувствителна“, вели Емилија Мицевска, која го покажа трудничкиот стомак на „Глумците пеат“, а сега со саканиот Деан ужива на плажа.

На крајот во месец март актерката Емилија Мицевска, имаше совршена вокална изведба на манифестацијата „Глумците пеат“, каде измами аплаузи и пријатни емоции со тоа што настапи во 6-иот месец од бременоста, со креација која го покажа нејзиниот труднички стомак.

Сега, на крај од 8-иот месец од бременоста, актерката ужива на плажа со својот сакан Деан.

Таа позираше со трудничкиот стомак и испрати моќна порака оттаму.

На тема што секој треба да знае за трудниците, Емилија вели:

„Со трудница не се зборува гласно, навредливо, нападно и со бескрајни совети, како светот да знае подобро од нејзиното тело. Со трудница се зборува понежно.

Светот треба да внимава на зборовите што ѝ ги упатува на една жена во период кога таа е истовремено најсилна и најчувствителна.

Да внимава да не создава дополнителен страв, вина и хаос таму каде што ѝ треба мир.

И да престанеме да мислиме дека телото на трудницата е јавен простор за коментари - дали е премногу голема, мала, здебелена, отечена или уморна.

Тоа тело тивко создава живот и заслужува почит, не анализи.

Во време кога сè е маркетинг, притисок и има список од работи што ‘мора’ да ги има, забораваме дека на една трудница најмногу ѝ треба чувство на сигурност.

Да не биде поправана и преоптоварувана, туку чувана.

Бременоста не е само растење на еден живот. Тоа е и тивко раѓање на една мајка.

А тој процес заслужува нежност“.

Кликнете на видеото:

С. С. | Црнобело