Јанг Дади им дојде на приредба на децата од неговото основно училиште - ја пееја „Лидија“ на цел глас (видео)

Детали

петок, 12 јуни 2026

„Не можев да ја одбијам поканата од моето основно училиште „Коле Неделковски“, особено кога ми кажаа дека учениците подготвиле кореографија на ,,Лидија” како дел од нивната завршна приредба. Пораснав, но срцето за миг се врати таму каде што сè започна“, напиша Јанг Дади на Инстаграм.

Давид Манев, познат како Јанг Дади порасна во населбата Дебар Маало во Скопје, каде што заврши основно училиште.

Иако скоро секојдневно поминува покрај своето старо училиште, тој денес влезе во една од училниците за да ги изненади децата кои за завршната приредба подготвиле кореографија на песната „Лидија“, новиот хит на Дади.

Музичарот на Инстаграм објави видео од изненадувањето, па напиша:

„Не можев да ја одбијам поканата од моето основно училиште „Коле Неделковски“, особено кога ми кажаа дека учениците подготвиле кореографија на ,,Лидија” како дел од нивната завршна приредба.

Пораснав, но срцето за миг се врати таму каде што сè започна“.

Кога Давид влегува во училницата, децата го гледаат збунето и со возбуда, а му се израдуваа и неколку родители, па сите заедно, во еден глас, ја пеат „Лидија“.

Потоа се фотографираа со него, а тој подели и неколку автограми.

Кликнете и погледнете го видеото:

А. Ј. | Црнобело