Штеди и рециклирај вода

Детали

четврток, 21 март 2013

По повод светскиот Ден на водата, 22.03.2013, студентите од Универзитетот Американ Колеџ Скопје, организираат акција ”Штеди и рециклирај вода”,  при што главна цел ќе биде подигнување на свеста за важноста на водата, како и нејзината рационална потрошувачка. На Денот на водата, 22.03.2013 година проектот ”Штеди и рециклирај вода” ќе биде презентиран  во неколку oсновни училишта од Скопје, во прв бран:  “Јан Амос Коменски”, “Кочо Рацин” и “Јохан Хајнрих Песталоци”.

Иако водата е важна за сите генерации, студентите оваа година се одлучија за едукација токму на најмладите, кои што ќе треба активно да земат учество, собирајќи ја веќе искористената вода (при миење раце, лице, заби и сл.) а истата ќе биде полезно пренаменета (рециклирана), во конкретниот случај - полевање на зелените површини. Едукативната програма ќе содржи и интересни презентации, интерактивни игри и активности поврзани со значењето на водата, прилагодени на возраста на децата.

Водата е најважниот природен ресурс без кој не може да се замисли егзистенцијата на сите живи суштетства на планетата Земја. Оваа акција служи и како апел до сите за да се запрашаме колку рационално ја користиме водата!