Главниот град на Македонија е познат по многу нешта, вклучувајќи го и Виз Ер Скопскиот маратон

Детали

понеделник, 12 мај 2014

Вчера бевме сведоци на најмасовниот спортски настан во Македонија  кој на едно место собра луѓе од цел свет. Илјадници спортисти и љубители на долгите патеки вчера ги преплавија скопските улици, без разлика дали учествуваа или ги бодреа своите фаворити.

Помеѓу учесниците полни со ентузијазам, беше и Теодора Величковска, Виз Ер бренд амбасадор од Македонија. Таа рече:

‘‘Нашиот маратон не е само спорт: тој е и промоција на Скопје и Македонија во светот. Маратонот е совршен настан за кој Виз Ер поканува луѓе од цела Европа да дојдат и го запознаат Скопје и уживаат во неговите уникатни понуди.

Учесниците во маратонот имаа можност да го почувствуваат градот во целост и да уживаат во неговите специфичности обележувајќи го на светската мапа како дестинација која мора да се посети.‘‘

Пред почетокот на трката, сите претставници од Виз Ер посакаа да го овековечат моментот преку оваа заедничка фотографија.