Порше Македонија е национален шампион на „Европските Бизнис Награди“ за 2014/2015 година

Детали

петок, 28 ноември 2014

Порше Македонија компанијата која ги застапува автомобилските марки: Volkswagen, Škoda, Audi, SEAT, Volkswagen – Комерцијални возила и Porsche е национален шампион и ќе ја претставува Македонија на Европските Бизнис Награди за 2014 / 2015 година и тоа во две категории „Награда за посветеност кон клиентите“ и „Најдобар работодавач на година“.

На национално ниво компанијата победи во повеќе категории и освои награда и признание за „Успешен бизнис, иновација и бизнис етика“. Претседателот на „Европските Бизнис Награди“ Адриан Трип и претседателот на стручното жири Филип Форест му ја врачија наградата на претставникот од Порше Македонија господинот Владимир Димитровски бренд менаџер за Volkswagen патнички возила.

Во конкуренција на голем број компании, „Порше Македонија“ ја доби наградата со најголем број освоени гласови од стручното жири кое брои повеќе од 160 члена и е составено од универзитетски професори, економски експерти, поранешни премиери, министри и професионалци од повеќе области.

Порше Македонија е лидер на автомобилскиот пазар со над 30% удел на пазарот на нови возила. Успехот не се должи само на моќта на врвните марки и нивниот изграден и препознатлив имиџ во светот, туку и посветениот начин на работа на локалниот тим и грижата за клиентите. Доказ за квалитетот на услугите и производите е пред се големото семејство на задоволни клиенти.

Покрај  „Европската Бизнис Награда“, Порше Македонија со своето успешно работење во изминатиот период освои и бројни домашни и интернационални награди: повеќе пати „Автомобил на годината во Македонија, Најдобар работодавач во Македонија, „Superbrands на Македонија“, „Награда за користење на најдобри HR практики за развојот на вработените“,„Најдобар интернационален импортер за брендот Volkswagen - Комерцијални возила“ итн.

Порше Македонија е на вистинскиот пат - единствена компанија со сериозна дилерска мрежа во Македонија и компанија што постојано ја зголемува брзината и го подобрува квалитетот на услугите и со тоа поставува уште повисоки стандарди на  автомобилскиот пазар во Македонија со единствена цел - постигнување потполно задоволство на клиентите.