Невидливата мрежа која живот значи!

Детали

среда, 04 март 2015

Ако некогаш мобилните телефони служеа само за повици, денес тие имаат буквално милион персонализирани намени. Токму затоа постојано се воодушевуваме на новите генерации паметни телефони, кои секогаш изненадуваат со свежи, иновативни технологии.

Технологии за кои не сме знаеле дека постојат, преку ноќ стануваат нешто без кое не би можеле да живееме. Камерата на новиот iPhone или батеријата на новиот Samsung и милион слични теми го опседнуваат нашето секојдневие, претворајќи ги мобилните телефони во предмети на посакуваност.

Но, сте размислиле ли некогаш што би се случило кога би снемало мрежа?

Одговорот е едноставен - рибарите би останале без улов, пајаците би останале гладни, многу љубовни средби не би се оствариле, а мобилните телефони одеднаш би се претвориле во најобични, непотребни предмети! Токму затоа мобилната мрежа е клучна во функционирањето на мобилните телефони. Таа го претставува невидливиот дел од технологијата, кој на мобилните телефони им дава смисла и живот.

Добрата мобилна мрежа ни овозможува да водиме бизниси, да ја проверуваме временската прогноза, споделуваме слики и видеа или гледаме ТВ.

Главниот заклучок од истражувањето на реномираната истражувачка агенција Брима, дел од TNS групацијата и македонски член на GALLUP International е дека мрежата на Т-Мобиле е најдобра во земјава. Со тоа се согласуваат дури 68 отсто од граѓаните на Република Македонија.

Истражувањето е спроведено во февруари оваа година преку интервју со случајно избрани граѓани по утврдена методологија кои доброволно одговараа на прашања поврзани со работењето на телекомуникациските оператори, нивните услуги и производи. Беа опфатени 1000 граѓани на возраст над 15 години.

Кога на ова ќе додадеме и дека Т-Мобиле прв ја воведе 4G во Македонија и за една година постигна над 50% покриеност на населението, станува јасно дека се работи за најдобриот оператор во земјата. Овој оператор со својата стабилност и сигурност им овозможува беспрекорно функционирање на сите корисници во својата мрежа.