„Касни порасни“ на знаковен јазик

Детали

четврток, 07 мај 2015

Учесниците во програмата ЦКА-ПХВ 2015 год. (Црвен крст во акција- Промоција на хумани вредности), која се спроведува во Црвен крст на Република Македонија општинска организација Прилеп изготвија видео во кое на знаковен јазик ја интерпретираа лектирата за деца „Касни порасни“ од Петре М. Андреевски.

Младите волонтери во текот на процесот го изучуваа знаковниот јазик и истиот го искористија за интерпретација на лектирата. Овој проект се реализира благодарение на креативноста на младите волонтери и има за цел да се опфатат деца со оштетен слух кои на поедноставен начин преку интернет ќе имаат пристап до оваа лектира и лесно ќе може да ја изучуваат.

Црвен крст Прилеп и понатаму продолжува на различни начини и програми а во рамките на своите можности да ги задоволува потребите на различните ранливи целни групи.

Програмата Црвен крст во Акција- Промоција на Хумани Вредности (ЦКА-ПХВ) веќе 16 години претставува национална алатка за привлекување и задржување на волонтери во Црвениот крст. Истата се имплементира во сите Општински организации на Црвен крст и на годишно ниво обучува околу 1200 младинци, потенцијални волонтери во организацијата. Младите добиваат обука за вредностите на Црвениот крст, учат за културата како систем од вредности, за културата на дијалог како основен предуслов за градење на интеркултурно опшество.

Имплементацијата на програмата Црвен крст во Акција- Промоција на Хумани Вредности (ЦКА-ПХВ) оваа година беше овозможена со поддршка на Норвешка Амбасада од Србија.