Не молчете пред семејното насилство

Детали

четврток, 17 март 2016

Околу 30 отсто од жените барем еднаш во животот биле жртви на психичко или физичко насилство во кое насилникот бил нивниот интимен партнер. Уште посериозен проблем е што голем број од жртвите со години молчат за насилството и одбиваат да признаат дека им се случува.

Некои од нив мислат дека тие се виновни и дека ја заслужуваат секоја шлаканица, модринка или навреда, но вистината е дека никој не смее да биде физички или психички малтретиран. Со цел да се зголеми свесноста за овој сеприсутен проблем, на светско ниво, како и во Македонија, има иницијативи и проекти чија цел е да им се помогне на жените да излезат од ситуацијата.

Таков е случајот AVON кој е во постојана кампања против семејно насилство, а и други компании вложуваат и работат на подобрување на состојбата. Пораката што се испраќа е дека жените кои се жртви мора да прозборат за тоа и да побараат помош, да застанат на свои нозе, да се охрабрат и да го променат својот живот на подобро.

Семејното насилство не е нешто што се случува ретко, а воедно и не им се случува само на „обичните“ жени. Голем број на ѕвезди имале трауматични искуства, а дел од нив се: пејачките Тина Тарнер, Мадона и Ријана; актерките Хали Бери и Памела Андерсон и многу други. Целта на речиси секоја кампања посветена на овој проблем е насочена кон тоа да престане молчењето и секој што го има овој проблем да побара излез, така што жени, „проговорете и побарајте помош!“   

Автор: Tovornottov