Добредојдовте на најдобриот сајт во Македонија!

Детали

понеделник, 26 декември 2016

Можеби звучи нескромно, но ретко се фалиме, а годинава имаме и зошто. Едноставно кажано – полни сме со емоции и мерак ни е да го споделиме ова со сите вас, затоа што вие сте најголемите виновници за нашиот успех и нашата најголема инспирација и мотивација.

Заокружуваме уште една година. 2016-та за CRNOBELO.com беше најуспешна до сега во нашето 8 годишно постоење:

• Успеавме да ги срушиме сопствените рекорди за посетеност
• Надминавме над 200.000 фанови на нашата Фејсбук страница
• Го зголемивме тимот
• Многу ваши текстови си најдоа место во нашето катче „Сакам да пишувам“
• Успеавме да пласираме најмногу авторски содржини до сега
• Поддржавме многу проекти на невладини организации во добри цели
• Се надеваме дека успеавме да расположиме многу од вас, да научите нешто и да пронајдете инспирација во нашите статии.

Изминатава недела на наше огромно задоволство се закитивме со две награди и признанија.

Бевме прогласени за премиум STUBRAND – прв избор на студентите. Особено значајно за нас затоа што студентите се голем процент од нашата публика, наши редовни критичари и искрени пријатели.

Пред два дена на манифестацијата „Сајт на годината“ го добивме првото место во категоријата најдобар сајт во Македонија за 2016-та година. Ова ни е прва награда во оваа категорија и особено значајна затоа што е вистинско признание за нашиот труд низ годините.

Ви благодариме на сите вас за големата доверба и навистина ни е драго што го цените трудот на нашиот тим.

Годинава вистинскиот „зачин“ на CRNOBELO.com беа текстовите на нашите - Буџак, Марина, Милена, Михаела, Софија, (О)Милена, Бети, Сања. Секојдневно од нашите канцеларии будно ги следат вашите критики, коментари и барања: Маја, Еми, Наташа, Моника, Игор. А, за беспрекорното функционирање на CRNOBELO.com се грижат Игор и Зоки.

Едно е сигурно – во 2017 продолжуваме помотивирани и со нови цели.

Вам Ви посакуваме среќни празници, поминете прекрасни моменти со вашите најблиски, бидете безгрижни барем за момент, прегрнувајте се и споделувајте љубов.

И секако, читајте CRNOBELO.com, ние работиме 24/7 :-)