Најавено пеколно топло лето во Македонија и на цел Балкан

Детали

четврток, 11 мај 2017

Пролонгирани високи температури, вклучувајќи и неколку опасни топлотни бранови, ќе бидат најголемиот летен проблем со кој ќе се соочи источна Европа оваа година.

Според AccuWeather, опасни топлотни бранови и екстремно високи температури се очекуваат во Италија и на Балканот.

На наша територија исто така може да очекуваме продолжено лето, дневни температури повисоки од 32 степени, со најмалку еден „пеколно топол“ период од 7 дена.

Територијата од Македонија и Бугарија, па до Унгарија и Романија ќе се соочи со највисок ризик за неколку топлотни бранови.

Уште еден проблем кој ќе се развие ова лето во регионот ќе биде смогот и нискиот квалитет на воздухот, се наведува во известувањето на AccuWeather.

Од друга страна пак, на територијата од Франција до Полска се очекува ова лето да има големо невреме, силни ветрови и дождови.

М. Д. | Црнобело