Наградната игра на Скопско на семејството Хаџиски му донесе VW California Beach RV

Детали

вторник, 27 јуни 2017

„Со новото возило планирам да го живеам сонот од младоста”

Благој Хаџиски од Неготино е среќен добитник на VW California Beach RV во големата наградна игра на СКОПСКО. Го прашавме како тој и семејството ја примија веста за наградата, а тој радосно ни одговори:

“Целото семејство се радува, сите уште не “држи“ возбуда. Животот е чудо! Со сопругата живееме во семејната куќа во Неготино, а изградив и викендица во Пехчево, сам со свои раце, без помош од мајстори. Сега со комбето за кампување, ќе имаме и една подвижна куќа и ќе уживаме сите!

Како млад студирав во Белград, носев долга коса и мустаќи, тогаш хипиците беа во мода... Многу сакав да патувам со сопругата... Сега сум пензионер, имам 70 години и треба да си ја обновам возачката дозвола, па ќе го живеам сонот од младоста.“

Колку кодови од капачиња испративте? Дали можете да се сетите кога и каде бевте кога го испративте добитниот код?

Испративме многу пораки, целото семејство учествуваше во наградната игра. Но само јас, од мојот мобилен испратив 29 пораки. Уште вториот ден, откако започна наградната игра, добивме пакет СКОПСКО и си реков: Мора да ме прати некоја среќа периодов! Ќе играм за главаната награда! Мислам дека добитниот код го испратив кога си допив едно пиво позади во двор, под една сенка што си седам лете кога е топло.

Каде ќе отпатувате со вашето VW California Beach? Која ќе биде првата дестинација?

Се договоривме дека ќе одиме сите заедно, со децата и внуците на некое патување. Јас и сопругата никогаш не сме биле на грчкото море, па таму ќе одиме летово со внуците, а синот ќе вози! Инаку си планираме и други патувања и секој си ги кажува своите желби. Нашава земја има преубави места, сакам да го посетиме Осоговоскиот Манастир. Иако сум од Источна Македонија, никогаш не сум имал прилика да ги посетам планинските манастири од овој крај.

Пивара Скопје им честита на Хаџиски и им посакувамногу среќни патувања со новото семејно возило.