Музика за сите сетила

Детали

среда, 01 ноември 2017

Музиката е алатка за поттикнување емоции и мемории, па затоа и е опишана како јазик на емоции. Не е ни чудно што најжешките подиуми за играње и најдобрите забави се полни со адреналин, среќа и возбуда. Колку пати ви се случило кога одите на забава да препознаете добра емоција дури и кај луѓето кои не ги познавате? Тоа е музика, тоа се измешани сетила, тоа е адреналин. Најдобрите забави се најдобар показател за лудилото кое музиката го носи со себе, разбранета публика, која е дојдена само за да ги вклучи сите свои сетила. Возбудата е иста, и од страна на музичарот и од страна на публиката, сите тие копнеат по исти емоции и цели, по иста возбуда и рушење на бариерите.

Истражувањата покажуваат дека мозокот на музичарите е со поразлична структура од мозокот на обичен човек. Не е ни чудо што нивната емоционална интелигенција е на повисоко ниво, нивната емотивност е поистакната, а љубовта поголема.  Ако сакаме доказ за тоа како музиката влијае на мозокот, најлогично е да земеме пример од луѓе на кои музиката им е живот и професија, на пример Џијан Емин.

„Музиката влијае и на останатите сетила и зависно од вашето расположение, лесно може да го почувствувате вкусот на музиката. Таа може да биде вкусна како добро подготвено утринско кафе, шарен коктел, но и со вкус на расипано млеко. Па така е и со допирот, зависно од емоциите кои музиката ни ги разбудила, нашиот допир е груб или нежен“, изјави Џијан Емин.

„Сите вљубеници на добрата музика на 25ти ноември  можат да бидат дел од најдобрата забава во Мала Станица и да ја почувствуваат силната емоција на среќа која музиката лесно може да ја предизвика, да уживаат во мозаикот од звук, слика и вкус, да бидат дел од непознатото“, додава Емин.