Во Амстердам доделени „40 под 40“ за најуспешните лидери од ЈИЕ

Детали

четврток, 24 октомври 2019

Во грандиозна атмосфера во историската Huis Bartolotti во центарот на Амстердам, Business Elite Awards официјално ги промовираше 40те најуспешни и најамбициозни млади бизнис лидери под 40 години од 10 земји од Југоисточна Европа. Чинот на доделувањето на статуетките се одвиваше за време на гала вечерата организирана ексклузивно за добитниците на престижните признанија Business Elite’s “40 under 40”. Со тоа, организаторите успеаа да ги поместат границите на бизнис вмрежувањето во регионот и да постават нови параметри во таа категорија.  

Домаќин на церемонијата беше популарната Monique van Dusseldorp, а свој говор имаше и регионалниот директор за Југоисточна Европа, д-р Виктор Ѓорѓиески кој на наградените им порача:

„Сите ние имаме мисија. Мојата мисија после завршувањето на студиите беше да ги имплементирам најдобрите капиталистички практики од Западот во мојот регион и да го вложам целосниот мој капацитет и знаење да му помогнам на нашиот бизнис сектор да расте и да фати чекор со поразвиениот свет. Ја креиравме оваа престижна програма со цел на едно место да ги вмрежиме тие кои се под 40 години, ги инспирираат другите и со своите успеси веќе му враќаат назад на општеството. И гледајќи од оваа говорница према вас, можам слободно да кажам, успеавме!“

Ексклузивната “40 under 40” награда претставува едно од најпопуларните и најпрестижните признанија во светот за млади бизнис лидери и честопати е првиот поттик на многу успешни светски познати личности. Секако, пред секој кој се стекнал со вакво признание претстои блескава кариера и огромни успеси во светот на бизнисот во иднина.

Дополнително, со членстовото во екслузивниот Business Elite’s “Executive Club”, наградените и официјално се приклучуваат на светската бизнис елита како дел од мрежата на најуспешни и најамбициозни млади бизнис лидери од светот.

Пред одржувањето на Гала вечерата, наградените учевствуваа на Самитот во организација на Business Elite Awards на кој главни предавачи беа двајца многу успешни бизнисмени од Лондон, Daniel Hulme и Adrian Enache, а свој говор имаше и Melanie ter Meulen, претставник на Канадската влада во Холандија.