Детска празнична програма во Будва - „Празнична Будва по детска мерка“

Детали

понеделник, 23 декември 2019

Во пресрет на божиќните и новогодишните празници и магијата која ја носи овој период од годината за најмладите, Туристичката организација на општината Будва се потруди, заедно со партнерите, да осмисли и реализира детска празнична програма, која во рамката на различни сегменти ќе трае се’ до крајот на јануари.

Во соработка со киното „Cadmus Complex“ од 19 до 25 декември се одржува Фестивалот на филмови за деца каде што децата ќе можат бесплатно да уживаат во проекциите на играни и анимирани филмови.

Во среда, 25 декември, во 16 часот, децата од градинката „Мој свет“ во Будва на најсвечен начин ќе ја отворат „Божиќната пјацета“ пред Стар град, со изведба на театарската претстава „Патот на љубовта“.

Учениците од основното училиште „Мирко Срзентиќ“ од Петровец, со поддршка на Културниот центар „Стара Будва“, во петок (27 декември) со почеток од 12 часот, ќе одржи свечена новогодишна програма на платото пред ресторанот „Катиќ“. Во таа прилика најмладите Петровчани ќе организираат и школски базар, а ќе ги посети и Дедо Мраз, кој ќе им донесе пакетчиња.

Централната детска прослава ќе биде организирана во сабота, 28 декември од 12 часот, на главниот градски плоштад, каде распеаниот тим на танцовата и аниматорска група „UV Dance“ од Нови Сад ќе ја изведе „Магичната бајка“ во која активно, како и претходните години, ќе учествуваат најмладите посетители и граѓани на Будва. Во соработка со компанијата „Мега Промет Будва“, тој ден Дедо Мраз ќе биде исклучително дарежлив.

Истиот ден со почеток од 19 часот, на приземјето од TQ центарот, TO Будва, во соработка со компанијата „Трејд Јуник“ и веселиот Дедо Мраз ќе ги израдува децата кои ќе бидат собрани таму.

Програмата за деца на Плоштадот на сликарите ќе продолжи и во вторник, 31.12 од 12 часот, кога млади изведувачи од Никшиќ, Тиват, Цетиње, Будва и Подгорица - „Сањине смијалице“ - ќе изведат концерт со детски песни. Водач на проектот и авторка на текстовите е Сања Периќ.

„Божиќната пјацета“ и богатата понуда на угостителите од Будва од 4 до 26 јануари ќе биде надополнета со детско лизгалиште на плоштадот пред Стар град, каде во недела, 5 јануари, од 14 часот ќе биде одржана програма за деца.

На најмладите жители и посетители на Будва, Трговската организација на општина Будва и оваа година им посакува весела, распеана, здрава и среќна година која следи!