Антониа откри на која песна се вљубила во Иван во „Еден на Еден“

Детали

петок, 06 март 2020

Пејачката Антониа Гиговска и познатата ракометна судиска двојка Ѓорѓи Начевски и Славе Николов се гости во новата Еден на Еден кај Жаре, во недела од 18.30 на Канал 5. 

Гиговска раскажа како го запознала пејачот Иван Јованов со кој е во врска, за нејзиното искуство како придружен вокал на Тамара на „Евросонг“. Taa запеа дел од нејзината омилена балада на која се вљубила во Иван, и за прв пат во Еден на Еден, во живо ја промовираше новата песна, „Крива сум“.

Начевски и Николов кои го судеа финалето на ЕП во Келн, раскажаа многу приказни од долгогодишната кариера.

„Во Африка, новинарот и снимателот влегуваат на терен среде натпревар, и додека уште трае играта прават прилог“, е едно од нивните искуства. „Таму навивачите се тепаат, се колат, се маваат со патики“, рекоа Ѓорѓи и Славе низ насмевка.

Тема на муабет беа и домашните натпревари, но и тепачката на Начевски со Веселин Вујовиќ пред многу години. Ѓорѓи ги искоментира и навредливите графити низ градот кои се однесуваат на неговиот татко, судијата Марјан Начевски.

„Такви графити има повеќе отколку за Бранко и Љупчо“, рече Начевски.

Жаре подготви и специјален осмомартовски монолог и песна.

Во продолжение, погледнете една од интересните приказни од ЕП во Келн на Начевски и Николов, каде што му беа досудени чекори на Карачиќ и најавата за емисијата: