Зоран Заев и Христијан Мицкоски во самоизолација заради контакт со заболен новинар

Детали

петок, 10 април 2020

Министерот за здравство, Венко Филипче, на вонредна прес-конференција утрово во 10 часот соопшти дека лидерите на двете најголеми политички партии во земјава, ВМРО-ДПМНЕ и СДСМ, од денес се во задолжителна самоизолација.

По сознанијата на Министерството за здравство дека еден новинар од ТВ медиум кој е позитивен на корона вирусот, имал интервју со Зоран Заев и Христијан Мицкоски минатата недела, веднаш донеле одлука двајцата да бидат ставени во домашна самоизолација.

Резултатот на Мицкоски е негативен, но ќе биде во 14-дневна самоизолација. Резултатот на Зоран Заев ќе биде готов во текот на денешниот ден, но тој исто така е во домашна изолација во Струмица.

Лидерите на двете најголеми политички партии во нашата земја, Зоран Заев и Христијан Мицкоски од денеска се во задолжителна домашна изолација, по информацијата која ја доби Министерството за здравство дека еден новинар од телевизиски медиум е позитивен на Ковид-19 вирусот.

— Венко Филипче (@VFilipche) April 10, 2020

Погледнете го целосното обраќање на Венко Филипче: