Филипче: Вирусот не е шега, повторно враќање на полициски час викендов


Филипче: Вирусот не е шега, повторно враќање на полициски час викендов

По најавите за можен карантин викендов, министерот Филипче одржува прес-конференција.

filipce-pres-03-juni.jpg

На прес-конференцијата министерот соопшти:

Комисијата за заразни болести правеше анализа и ги следеше трендовите на новозаболени. Анализите покажуваат дека на неколку локации во земјата има брзо ширење како резултат на непочитување мерки.

Групирање на семејни собири, не носење маски и непочитување мерки за транспорт во компании се главни причини за раст на новозаболени во Скопје, Кумановско-липковскиот регион, Тетово со околните општини, Штип и околината.

Добро е што во целиот останат дел од земјата состојбата е стабилна и тоа е доказ дека мерките каде се почитуваат има резултат.

Заради спречување на дополнително ширење во критичните региони и надвор од нив, Владата донесе одлука за враќање на полициски час.

Се воведува целосна забрана на движење на сите граѓани на Скопје, Куманово, Липково, Штип, Тетово, Боговиње, Теарце, Брвеница, Жилино и Јегуновце, од четврток, 21 часот до понеделник 5 наутро.

Во сите останати градови се забранува движење на граѓаните почнувајќи од четврток 21 часот до петок 5 часот наутро.

Детално погледнете во кој период е дозволено движењето:

filipche-virusot-ne-e-shega-povtorno-vrakjanje-na-policiski-chas-vikendov-2.png

Следете го пресот:

Најчитани неделава