Состојба до 05.06.2020: Бројот на новозаболени не престанува да расте - рекордни 180 случаи

Детали

петок, 05 јуни 2020

Состојбата на корона вирус во земјава изгледа како да излегува од контрола - погледнете го соопштението.

Во последните 24 часа се направени 1272 тестирања, а регистрирани се 180 нови случаи на ковид-19.

- Скопје 109
- Куманово 26
- Дебар 1
- Штип 15
- Тетово 12
- Струга 1
- Велес 1
- Битола 1
- Охрид 1
- Гостивар 8
- Гевгелија 2
- Валандово 1
- Свети Николе 1
- Неготино 1

На Клиниката за инфективни болести и фебрилни состојби почина пациент од Куманово на 52 години години, лекуван на клиниката од 30 мај. Во ГОБ „8 септември“ почина пациентка од Скопје на 68 години, хоспитализирана на 29 мај.

Денеска Институтот за јавно здравје регистрира 11 оздравени пациенти.

- Скопје 6
- Прилеп 1
- Велес 4

Досега во земјата се направени вкупно 34386 тестирања на ковид -19. Од вкупниот број направени тестови во изминатото деноноќие 16 теста се во рамките на скринингот во градинки во Штип, нема позитивни резултати на ковид-19.

Вкупната бројка на ковид дијагностицирани во нашата земја од почетокот на епидемијата изнесува 2790, бројката на оздравени пациенти е 1632, на починати е 149, а во моментов бројот на активни случаи во земјата изнесува 1009.