Миа Костова се потсети на хаосот во домот каде го растела Андрија: „Сакам да се вратам во таа дневна“

Детали

сабота, 01 ноември 2025

„Давам сè на светот да се вратам во оваа дневна, да ги соберам играчкиве и кутиите со накит со кои обожаваше да игра, да го кренам во раце и да му ја сменам пелената. Во истиот момент на лепење втора лепенка да се покака и да ми се насмее. Уживајте во хаосот, ќе ви недостига“ - напиша Миа и направи споредба помеѓу сегашниот дом и оној во кој го растела синот. 

 

Миа Костова е горда мајка на 12-годишниот Андрија и на социјалните мрежи често споделува моменти од нејзиното патешествие наречено родителство.

Таа во најголем дел го има одгледано синот сама, а животот ја има научено на многу лекции.

Иако не била секогаш во идеална животна ситуација, денес нескромно се фали дека успеала да достигне ниво кое ѝ овозможува лагоден живот.

Заедно со Андрија и со Тијана живеат во топло уреден дом, во кои преовладуваат топли бои, камин и убав мебел за опуштање.

Но, по коментарите од многу мајки на мали деца, кои се воодушевувале на средениот стан кој често го споделува, таа се потсети на моментите кога и нејзиното дете било мало.

Таа сподели фотографија од станот во кој живеела кога Андрија бил бебе и од хаосот кој е сосема нормален за таква фаза од животот.

Како порака до сите родители, напиша:

Давам сè на светот да се вратам во оваа дневна, да ги соберам играчкиве и кутиите со накит со кои обожаваше да игра, да го кренам во раце и да му ја сменам пелената.

Во истиот момент на лепење втора лепенка да се покака и да ми се насмее ко да знае дека ме зае*ава.

Многу брзо ќе се поголеми од вас и фала му на Бога, а природата прави да не памтиш ништо од ова. Само како некој да ти го сменил бебето со голем човек.

Уживајте во хаосот, ќе ви недостига“.

М. М. | Црнобело