Ивана Кнез: „Сѐ уште учам како да не ми е страв од порција шпагети со чаша вино во 21 часот навечер“

Детали

понеделник, 14 декември 2020

„Јас се плашев од храна, од оброци за двајца преминував на броење калории во вода. Не си се лутам, нас овде така нѐ учат не знаев поинаку“, вели во својата емотивна исповед дизајнерката Ивана Кнез.

Дизајнерката Ивана Кнез отсекогаш била отворена на секоја тема, па така и овојпат на својот Инстаграм профил искрено проговори за своите несигурности и борбата со килограмите.

Искрената исповед на Ивана Кнез:

Не знам дали им е лесно на фитнес тренерите со совршени тела кои ти велат Абе можеш ти лесно е ајде. Живееме во момент кога огледало е оној спроти тебе и очајно и упорно се трудиме да ја задоволиме таа рефлексија. Откако знам за себе водам борба со тоа колку килограми имам и многу често ја губев таа битка.

Сѐ до оваа година 2020, годината која ја промени глобалната социјална свест и од нас извади и најлошо и најдобро. Јас се плашев од храна, од оброци за двајца преминував на броење калории во вода. Не си се лутам, нас овде така нѐ учат не знаев поинаку.

Никој не успеа да ме научи дека јадеш онолку колку што ти се јаде нормално, ги слушаш потребите на сопственото тело, вежбаш заради создавање на природен имунитет пред сѐ и одржување на виталност, пиеш вода за да му помогнеш на телото со детокс, јадеш квалитетна храна за да задоволиш непце.

Не јадеш затоа што не ти пратил порака или пак те отпуштиле од работа или пак семејството те малтретира. Јадеш затоа што на телото му е потребна енергија, а хедонист како мене одбира да јаде нешто со бескрајни вкусови и мириси кое буди сеќавања и те чува од гојазност. 

На мои грешки научив како не треба, а по цена на здравје дознав што е тоа што на моето тело му треба. Сѐ уште учам баланс, сѐ уште учам како да не ми е страв од порција шпагети во 21 навечер со чаша јебежливо вино, ама си ветив на себе дека ќе си дозволам слобода и дека само и единствено за себе ќе ја добијам формата на тело кое јас го посакувам.

Огледалото ќе бидам јас и само пред себе одговарам. Мал совет од мене за секоја една од вас што се бори со лични демони - чипкан веш, два броја помал фустан кој ќе ве чека да ја остварите вашата замисла, отфрлени сокови и брза храна готвење сами и многу вода со лимон, вежби без стрес, полека и со многу трпение и љубов кон себе ќе ве постават на трајна цел, а тоа е да си го сочуваш телото без да ја изгубиш душата.

Намасте прекрасници мои, секој ден е борба но секој миг во неа вреди.“

С. С. | Црнобело