Пејачката Елена Петреска: „Конечно дома по 14 дена на Инфективно поради Ковид“

Детали

вторник, 12 јануари 2021

„Благодарна сум што ги гушкам моите најмили! Се чувствувам како повторно да сум се родила!“, вели Елена Петреска по престојот на Инфективната клиника.

фото: Инстаграм

Пејачката Елена Петреска на својот Фејсбук профил отворено проговори за тешката битка со корона вирусот што ја водела изминатиов период.

Таа од срце им оддаде почит на докторите херои кои ѝ помогнале да го преброди овој тежок период.

Статусот на Елена:

„Конечно дома по 14 дена на Инфективно поради Ковид. Благодарам на Бог што сѐ помина добро! Благодарна сум што ги гушкам моите најмили! Се чувствувам како повторно да сум се родила!

Најискрено од срце се заблагодарувам на целиот медицински персонал од Инфективната клиника, тие се моите Херои за кои имам многу да раскажувам, зошто ако ништо друго барем тоа им го должам, да знаат сите што значи нивната посветеност и пожртвуванот во овие тешки времиња.

Сакам да ви кажам дека ја видов вистинската слика за тоа што значи оваа пандемија, која во целот ќе ја пренесам деновиве преку видео, во кое ќе раскажам за ова мое искуство со надеж дека ќе допре таму каде што е потребно.

И морам да кажам (иако секогаш сум ги почитувала правилата) дека зборовите на министерот за здравство Венко Филипче во целост имаат значење од оваа перспектива.“

С. С. | Црнобело