„Трчај во небесната савана“ – Жирафата Тобого од Скопје ЗОО ненадејно почина
- Детали
- петок, 15 јануари 2021
„Тешко ми е како за близок човек. Колку и да ми беше тешко ќе дојдев на гости кај вас, кога ќе ви ги видев тие мили очиња заборавав на сè. Вчера ни ги скрши срцата на сите зошто си замина тивко“ - од скопската Зоолошка градина доаѓаат тажни вести за жирафата Тобого.
Трите жирафи во скопската Зоолошка градина беа посебна атракција, а за жал, една од нив, Тобого, ненадејно го напушти овој свет.
На Фејсбук профилот на Скопје ЗОО редовно можеме да го видиме секојдневието на животните, а посебно уживавме во фотките и видеата од играта на трите жирафи и енергијата која тие ја ширеа.
Но овојпат наместо среќна фотка, од Зоолошката објавија тажна вест:
Со голема тага и болка ве известуваме дека вчера ненадејно не напушти нашиот Тобого
Денеска беше направена обдукција при што не беа констатирани физички повреди и во наредните денови ги очекуваме целосните резултати.
Жирафата Тобого заедно со Каспер и Флопи беше меѓу омилените жители на скопската зоолошка. Тој беше миленик на вработените и на посетителите.
Роден е во Франкфурт на 09.12 2010 година, а жител на Скопје Зоо беше од 05.11 2013 година.
Сите сме неизмерно тажни и со скршени срца поради неговото заминување
Трчај во небесната савана Тобого, многу ќе ни недостасуваш на сите, но ќе останеш засекогаш запаметен
RIP 2010-2021
Тешко ми е ко за близок човек. Ми се тресат раце додека пишувам колку ќе ми недостига.
Другарче најмило, трчкај горе на небото, во небесна савана.
Никогаш нема да те заборавам, колку и да ми беше тешко ќе дојдев на гости кај вас, кога ќе ви ги видев тие мили очиња заборавав на сè. Голем џин, а со толку кревко срце. Почивај во мир Тобого, вчера ни ги скрши срцата на сите зошто си замина тивко.
Вечно ќе недостигаш. Да знаеш само колку не боли твоето ненадејно заминување сите што те сакавме...
М. М. | Црнобело
Би можело да ве интересира:
