Прва семејна фотка од Јелена Јованова и Стјепан Периќ - уживаат во улогата на родители на малиот Јаков
- Детали
- четврток, 21 јануари 2021
„Првите две, три седмици беа многу напорни. Последици од породувањето, хормони, прилагодување... Сѐ требаше да дојде на свое место. Не беше лесно, но полека влегувавме во рутината. Секој ден стануваше полесно и позабавно“, говори Јелена за раѓањето на синот Јаков за хрватскиот магазин Story.
Фото (средина): Роберт Гашперт за Story.hr
Јелена Јованова и нејзиниот сопруг, хрватскиот актер Стјепан Периќ, во интервју за магазинот Story ексклузивно проговорија за раѓањето на Јаков и за тоа по што ќе ja паметат оваа чудна 2020 година.
Парот се вљуби во 2013 година на филмски сет, во брак стапија во 2015, а се реализираа во улогата на родители во 2020 година.
Во интервју за хрватскиот магазин Story тие откриваат по што ќе ја паметат 2020-та година...
„Оваа година да беше сценарио од холивудски филм ќе кажев: „Малку претеравте“. Но, изгледа ќе згрешев! Прав емоционален вртлог ни донесе 2020, но на пиедесталот се разбира е Јаков. Ќе имаме многу што да му раскажуваме за годината во која се родил“, открива Јелена.
На прашањето како се снашле со улогата на родители...
„Првите две, три седмици беа многу напорни. Последици од породувањето, хормони, прилагодување... Сѐ требаше да дојде на свое место. Не беше лесно, но полека влегувавме во рутината. Секој ден стануваше полесно и позабавно“, вели Јелена.
„За бременоста и породувањето ви кажуваат многу работи, но потоа доаѓа детето. Дојдовме дома, се погледнавме и се прашавме: „И сега што?“ Беше стресно, но се навикнавме по неколку седмици и сега уживаме. Носталгично се смееме на сеќавањата од првата седмица“, додава Стјепан.
На својот Инстаграм профил, Јелена ја сподели првата семејна фотка со синчето Јаков, направена за интервјуто на Story.
Прочитајте го целосниот изворен текст на магазинот Story ТУКА.
С. С. | Црнобело / Фото: Роберт Гашперт за Story.hr
Би можело да ве интересира:
Препорачуваме
Најчитани неделава
