Moќта на братската љубов - Фризерот Адо Мурис Хамзиќ му помага на братот кој е лице со попреченост (видео)

Детали

сабота, 27 февруари 2021

Адо Мурис Хамзиќ уште еднаш докажува дека е човек со срце планина. Фризерот со магични раце објави неколку видеа на кои посветено вежба со својот брат кој е лице со попреченост и докажува дека поддршката од најблиските е најважна во животот.

Во повеќе пригоди е докажано дека Адо Мурис Хамзиќ од HairDo салонот во Скопје e човек кој има навистина магични раце и огромно срце.

Неговата трпеливост, пристапот кон клентите и начинот на кој ја работи својата работа се воодушевувачки.

На Инстаграм профилот на салонот редовно се воодушевуваме на довербата која ја имаат во него најмалите и најмилите.

Но, сега тој објави неколку видеа кои се доказ дека тој навистина е човек со срце планина.

Адо Мурис Хамзиќ прикачи видеа на кои вежба со својот брат, кој е лице со попреченост. Тој вежба посветено, трпеливо и е доказ дека најважно од сѐ во животот е да им бидеме поддршка и ветер во грбот на нашите најблиски.

Миа Костова на оваа тема сподели на Инстаграм стори:

„Малкумина ја знаат неговата приказна. Јас ја знам од првиот ден. Го сакам не затоа што е најдобар во тоа што го прави, туку затоа што е Човек со големо Ч.

Целиот мир кога шиша деца со хендикеп или нетипичен развој во една рајска атмосфера е резултат на неговата љубов кон брат му. Затоа што е столб со крв на раце за сите што се во оваа соба во која е вака посветен откако го има брат му. 30 години и засекогаш.

Косата моја е ирелевантна кога е во прашање љубовта моја кон него како за брат кој никогаш не сум го имала.“

Потоа и самиот Адо на профилот на салонот HairDo на Инстаграм стори објави:

„Хендикеп е поим што означува состојба на намалени физички или ментални способности што ги доведува индивидуите во нееднаква, а честопати и подредена позиција во однос на другите.

За лицата со различни форми на попреченост се користи современиот израз „лица со попреченост“ или „лица со посебни потреби“ што укажува на специфичен пристап кон етиологијата на нарушувањето, но и пристап кон нивното зајакнување за подобро лично и социјално функционирање.“

Видеа од тренинзите на Адо со неговиот брат:

С. С. | Црнобело