Македонка искрено за својата драстична трансформација до фит тело и совршени облини
- Детали
- среда, 31 март 2021
„На почеток се соочував со многу негативни коментари од типот, жена си не треба да креваш тешко, што си станала во 6 кога можеш да поспиеш, си станала мајка помири се со изгледот итн.“, раскажува Емилија Манџуковска.
Емилија Манџуковска има повеќе од 5.800 следбеници на нејзиниот Инстаграм профил, каде промовира вежби, здрав начин на исхрана и балансиран животен стил.
Таа е мајка на две деца и вели дека сега изгледа и се чувствува подобро отколку кога била помлада.
„Најголем предизвик во животот ми е кога некој ќе ми каже дека нешто не можам или е невозможно. Сѐ е до желбата што ја имате за да направите подобра верзија од себе. Да мајка сум, и да, имам две деца, и сакам да изгледам убаво.
Мислам дека оваа трансформација е доволно добра за да ве мотивирам вас за да направите нешто за себе. Да си фит не мора да имаш sixpack, фит е да бидам здрава и да имам здрави навики во животот кои ќе ги пренесам на моите деца.
На почеток се соочував со многу негативни коментари од типот, жена си не треба да креваш тешко, што си станала во 6 кога можеш да поспиеш, си станала мајка помири се со изгледот итн.
И да бев старата јас, која се замараше со секој што ќе каже, можеби немаше да дојдам до тука кај што сум сега. Со текот на годините во мојот живот сфатив дека не е потребно јас да ги задоволувам останатите, туку само себе и луѓето кои ме сакаат и ги сакам, само нивното мислење ми значи. Цени се самата и престани да зависиш од коментарите на другите.
Верувајте секој може да направи резултат, но и мора да разберете дека тоа не може да биде за 1 месец и дека тоа не може да биде без добра исхрана. Сѐ е поврзано. Не очекувајте дека за еден месец ќе поништите сѐ што сте му правеле на вашето тело со години.
Меѓутоа со доволна дисциплина и со истраен тренинг резултатот е неизбежен.
Така што жени, сакајте се самите, нека не ве интересира туѓото мислење, бидејќи тие не живеат во вашето тело. Ако си задоволна со самата себе одиш напред и не се вртиш.
Ова е моја трансформација која е изградена 80% во домашни услови и 20% теретана. Во моментов програмата ја работиме во теретана и се надевам на уште подобар резултат.“
Повеќе фотки од Емилија на следната страна...
Би можело да ве интересира:
Препорачуваме
Најчитани неделава
