Илина Арсова во Еквадор се искачува на еден од највисоките активни вулкани во светот (фото)

Детали

вторник, 07 септември 2021

„Во Македонија можеби сум кралица на планините, но овде во Еквадор уште учам“ – напиша Илина Арсова до фотографиите од експедицијата за искачување на вулканот Котопакси.

Илина Арсова во моментов се наоѓа во Еквадор каде го искачува Котопакси, еден од највисоките активни вулкани во светот (5.911m), чиј врв постојано е покриен со мраз.

Таа со своите следбеници на Инстаграм сподели повеќе фотографии од кои може да се види како изгледа овој нејзин подвиг, а до фотографиите напиша:

„Во Македонија можеби сум кралица на планините, но овде во Еквадор само може да видам уште колку многу имам да учам“ – напиша таа меѓу другото и се заблагодари на луѓето од нејзиниот тим, што како вели секојдневно ги поместуваат границите познати во планинарењето.

Инаку, Илина Арсова е првата Македонка која успеала да ги искачи седумте највисоки врвови на седумте континенти. Во 2019-тата година, таа се искачи на врвот Винсон на Антартик со што ја заврши мисијата „седум врвови“.

Дополнително, Илина во 2006-тата година го искачила Монблан, а во 2013-тата година стана првата жена од Македонија што го искачила Монт Еверест.

Погледнете повеќе фотографии од нејзиниот најнов подвиг во продолжение:

• 
• 
• 
• 
• 
• 
• 
• 
• 
• 
• 
• 
•  

Б. С. Б. | Црнобело