Игор Џамбазов со емотивна објава за мајка му: „24 години без Анче - некои луѓе просто не умираат“

Детали

четврток, 30 септември 2021

„Понекогаш ќе ми се појави во сонот, убава како на оваа фотка. Ќе ми ја исчисти собата, ќе ми ја испегла кошулата за настап, ќе ми направи полнети пиперки...“, започнува Игор Џамбазов за својата непреболена Анче. Плус, фотки од неговата сестра која обожава лавови, тигри и главна цел ѝ е заштита на животинскиот свет и планетата целокупно.

Саканите заминуваат, но тие живеат сè додека за нив е жив споменот во нас. Па, така е и со мајката на Игор Џамбазов, неговата никогаш преболена Анче.

Денес (30.09) се навршија 24 години од нејзината смрт, а по тој повод Игор се потсети на драги спомени.

Неговата објава гласи:

„24 години без Анче...
Понекогаш ќе ми се појави во сонот, убава како на оваа фотка.

Ќе ми ја исчисти собата, ќе ми ја испегла кошулата за настап, ќе ми направи полнети пиперки, и на крајот ќе ме искара што пушам.
Со цигарата во уста. Тука си е Анче.

Некои луѓе просто не умираат...“

Но, во животот на Игор Џамбазов, покрај мајка му и саканата Илина Арсова, има уште една жена која има клучна улога, а таа е неговата сестра Татјана.

На 7-ми септември тој посвети емотивна објава и по повод роденденот на Татјана, која веќе долги години не живее во Македонија.

Инаку, Татјана за себе вели дека е вљубеник во животните и природата и постојано порачува дека сите мора малку поодговорно да се однесуваме кон планетата.

Објавата на Игор по повод роденденот на неговата сестра:

„Кога пред 30 години си замина од дома, сфатив дека Македонија е премала за тебе. Сега тоа го мислам и за светот.

Среќен ти роденден, систер!“

Повеќе фотки од Инстаграм профилот на сестрата на Игор Џамбазов на следната страна...