Лила ја посети новата атракција во Дубаи - најголемото панорамско тркало на светот (фото+видео)

Детали

петок, 12 ноември 2021

„Панорамското тркало, високо 250 метри е единствен начин да се види Дубаи од сите страни“, вели Лила, која ја посети оваа атракција само десетина дена по отворањето. Станува збор за најголемото панорамско тркало на свет.

Лила Филиповска периодов престојува во Дубаи, каде ја посети новата атракција „The eye“. Станува збор за панорамско тркало кое личи на лондонското.

Потсетување на панорамското тркало во Лондон „London eye“:

Водителката обожава да патува, а по посетата на Турција, го избра токму Дубаи како дестинација.

Од сончање на плажа до истражување на новостите таму, како што е „Ain Dubai“, Лила одлично се забавува.

„The eye… новата атракција во Дубаи панорамското тркало пандан на она во Лондон, високо 250 метри е отворено за посетителите пред само десет дена со спектакуларното отворање од страна синот на шеикот Фаза.

Единствен начин да се види Дубаи од сите страни!!! Со еден збор незаборавно чувство“, напиша таа во описот на нејзините фотки и објави и видео од новата атракција во Дубаи.

„A што да се каже за Дубаи во кратки црти кога има многу за кажување… Еве да почнам од тоа дека е еден од седумте Емирати на UAE и секако најпопуларен. Се наоѓа на Персискиот залив и вистинска експанзија доживува со пронаоѓањето на нафтата и мудроста на тогашниот емир (шеик) Рашид Ел Мактум дека нафтата нема да трае вечно и затоа со парите од неа интензивно вложувале во изградба на објекти.

Станува популарен по изградбата на најголемиот и најскапиот хотел со 7 ѕвезди Бурџ ал Араб (портата на Арапите) изграден во вид на едро, чиј хол е повисок од Ајфеловата кула. Дубаи е град на многу светски чуда, како Бурџ Ал Араб, највисоката зграда Бурџ калифа (828 метри) најголемиот „мол на Емиратите“ , вештачкиот остров во вид на палма, највисоките магични распеани фонтани, секако повисоки од оние во Лас Вегас…

Со еден збор Дубаи треба да се види барем еднаш во животот. Ова е моја трета посета на Дубаи и знам дека ќе дојдам пак наскоро“, вели Лила.

Повеќе видеа од спектакуларното панорамско тркало во Дубаи на следната страна...