Во кои македонски градови се крши пита или лепче со паричка за „Василица“?

Детали

четврток, 13 јануари 2022

Во кои градови за Василица се крши пита или лепче со паричка? Пишете ни во коментар каква е традицијата во вашиот град или во вашето семејство? 

Семејствата во поголем број македонски градови кршеа лепче со паричка за Бадник, а семејствата во некои други градови пак сè уште ја негуваат традицијата да кршат вртена пита или лепче со паричка за Стара Нова година или за „Василица“.

Вечерта на 13-ти спрема 14-ти јануари православните христијани ја дочекуваат Нова година според Јулијанскиот календар, а на 14-ти се слави празникот свети Василиј Велики, кај народот познат и како „Василица“.

Освен Македонската Православна Црква, според овој календар се водат и Српската и Руската Православна Црква.

Празникот „Василица“ многумина го слават и како домашна слава, а оние што го носат името Васил, Васе, Васка на овој ден чекаат именден.

Традицијата во некои градови во Македонија, како Битола, Охрид, Струга, е вечерта на Стара Нова година и за „Василица“ да се крши вртена пита или лепче со паричка.

Во кои други градови за оваа вечер се крши пита или лепче со паричка? Пишете ни во коментар каква е традицијата во вашиот град?

Б. С. Б. | Црнобело/ фото: depositphotos.com