Македонскиот режисер Зоран Петровски победи во бугарскиот Survivor: „Бев искрен од почеток до крај“

Детали

петок, 29 април 2022

„Прекрасно е чувството на победата“ - вели македонскиот режисер Зоран Петровски (30), кој победи во бугарското издание на шоуто Survivor и освои награда од 150.000 лева (околу 76.000 евра).

Ова шоу се снимаше на Филипините, а учесниците цели 43 дена требаше да издржат недостатоци на храна, да внимаваат на напади од животни и да се заштитат од тропски бури.

Благодарение на брзото размислување и инстинктот за преживување, Зоран кој е роден во Скопје, во шоуто успеа да се наметне како лидер и да привлече голем број сојузници.

„Прекрасно е чувството на победата. Благодарам! На Филипините се претопив со местото, со природата и со играта. Бев искрен од почеток до крај“ – изјави тој откако ја презема големата парична награда.

Деветчленото жири, составено од претходните учесници во тековната сезона, гласаше на Филипините, а нивните гласови беа откриени за време на студиската емисија во телевизијата бТВ.

Доколку гласовите беа изедначени, гласањето немаше да се повтори, а одлуката за тоа кој ќе ја добие наградата требаше да ја даде публиката. Сепак, Зоран беше прогласен за неприкосновен победник.

Инаку, Зоран играше и режираше неколку епизоди од мошне популарната бугарска ТВ серија „Под прикритие“, каде ја запозна љубовта на својот живот, актерката Силвија Петкова со која во 2016-та година го доби и синот Сива.

Токму тие и го придружуваа на сцената во моментот кога ја зема наградата.

Погледнете повеќе фотографии од Зоран во продолжение:

Б. С. Б. | Црнобело