10-годишен битолчанец со ангелски глас маестрално ја отпеа „Црно и Бело“ од Калиопи, на фестивал во Прилеп (видео)

Детали

петок, 24 јуни 2022

„Алексеј заврши трето одделение во нижото музичко Тоше Проески Битола, а свири гитара и пее од негова најмала возраст“ - вели за CRNOBELO.com мајката на 10-годишниот битолчанец кој ја воодушеви публиката со ангелскиот глас и изведбата на „Црно и Бело“ од Калиопи на фестивалот „Мали Ангели“ Прилеп. 

До нашата редакција пристигна видео од млад музички талент од Битола, кое ќе ви ја „наежи“ кожата.

Алексеј Ивановски (10) од Битола настапил на фестивалот „Мали Ангели“ Прилеп, а ја воодушеви публиката со својот ангелски и моќен глас.

Тој маестрално ја изведе песната „Црно и Бело“ од Калиопи и доби громогласен аплауз, а видео од неговиот настап сподели и Калиопи и напиша:

„Ова видео ми го врати сонцето по изминатите сиви денови... Десетгодишниот битолчанец Алексеј Ивановски синоќа во Прилеп маестрално ја испеа легендарната „Црно-бело“...

Животот продолжува, надежта не умира, а јас сум среќна што животот ми ја дал оваа улога, да бидам Калиопи…“

Инаку, ова е прв негов настап на фестивал, иако музиката е дел од него уште од најмала возраст.

Мајката на Алексеј, за CRNOBELO.com изјави:

„Алексеј заврши петто одделение во О.У. „Даме Груев“ Битола и трето одделение во нижо музичко „Тоше Проески“ Битола. Свири гитара и пее од негова најрана возраст. Музиката е дел од него, постојано пее и слуша музика. Омилени му се Калиопи, Тоше Проески, Каролина Гочева, како и омилените професори по солфеж Татјана Крстевска Ковачевска и гитара Бојан Гаговски“.

Погледнете го видеото: 

М. М. | Црнобело