Интересни сцени од Македонија за кои нема да поверувате дека се кај нас (фото)

Детали

понеделник, 24 октомври 2022

Табли од хумани локали кои нудат топол оброк за сите кои не можат да си го дозволат, црвено светло отсликано на тротоар за сите пешаци кои зјапаат во телефони надолу со главите, смешни натписи на тезги на пазар, натпис „Сакајте си ги родителите“ на семафор и уште неколку интересни ситуации за кои нема да поверувате дека се во Македонија. 

Честопати пишуваме за кул работи во другите земји низ светот кои сме ги виделе ние или други луѓе ги споделиле на социјалните мрежи. 

Овојпат, решивме да се фокусираме на уникатни и интересни работи кои може да се сретнат само кај нас, или можеби ги има и на други места, но нема да поверувате дека постојат и во нашата земја. 

Уникатни и кул дизајни, идеи или иницијативи кои нема шанси да ги одминете ако ги видите и да не ви го одвлечат вниманието. 

Интересни сцени на кои сме наишле во Македонија:

Кул натписи на тезга во Скопје и во пилјара во Гевгелија

Трансформатори со графити и кул цртежи од уметник кој ги разубавува улиците низ Скопје 

Семафори низ Скопје кои имаат тастер за пешаците, со кој се вклучува зелено светло за нив 

фото извор

Црвеното светло за пешаци на семафорите на „Рекорд“ се отсликува и на земја, за оние кои „зјапаат“ во телефони 

Натпис на картон „Сакајте си ги родителите“ кој ќе ви ги стопли срцата додека чекате на семафор во центарот на Скопје 

Куќарка за бесплатно оставање и разменување книги во Градскиот парк во Скопје (која за жал за кратко беше демолирана, но сепак е убава иницијатива)

Табли од хумани локали во Скопје кои нудеа бесплатни оброци за лица кои не можат да си дозволат

Бонус: Само кај нас може да се види зеленото и црвеното светло да свети во исто време... 

Ако имате да додадете нешто на листата, испратете ни фотка со опис на Оваа е-адреса е заштитена од спамботови. Треба да ви е овозможено JavaScript за да ја видите.

©CRNOBELO.com Забрането преземање и копирање. Крадењето на авторски текстови е казниво со закон.

М. М. | Црнобело