Почина проф. д-р Јовица Угриновски на 77-годишна возраст

Детали

вторник, 29 ноември 2022

„Утрово на 77-годишна возраст по тешко боледување почина нашиот ценет и почитуван проф. Д-р Јовица Угриновски“ – известија од клиниката Неуромедика, чиј основач и претседател на Управниот одбор беше ценетиот неврохирург.

Ценетиот неврохирург проф. Д-р Јовица Угриновски, денес почина на 77 години, по тешко боледување.

Тој беше основач и претседател на Управниот одбор на клиниката Неуромедика, од каде ја објавија веста на социјалните мрежи:

Со огромна жалост сакаме да ве известиме дека утрово на 77-годишна возраст по тешко боледување почина нашиот ценет и почитуван Проф. Д-р Јовица Угриновски.

Проф. Д-р Јовица Угриновски беше основач и претседател на Управниот одбор на "НЕУРОМЕДИКА".

Менаџерскиот тим и сите вработени изразуваат огромна почит и благодарност за соработката и успесите во работењето.

Вечна му слава!

Во дигиталната македонска енциклопедија, за него пишува:

Специјализирал неврохирургија во Скопје (1975), завршил три постдипломски курса по неврохирургија во Монпелје (1977), Манчестер (1978) и Братислава (1981), магистрирал (1978) и докторирал (1986).

Придонел во воведувањето на проспективниот предвидувачки скоринг систем во неврохирургијата и методот на премостување на крвните садови во мозокот.

При атентатот врз Претседателот на РМ Киро Глигоров (Скопје, 1994) изведе сложени неврохируршки оперативни зафати.