Спектакуларно запросување на девојка од Скопје на Поларна светлина во Лапонија (фото)

Детали

понеделник, 19 декември 2022

„Првите два дена вееше снег, но третата вечер само што влеговме во сместувањето се вклучи алармот дека се појавила Поларната светлина и во паника Марина некако излезе прва, па јас во тој миг се снајдов и успеав да го земам прстенот...“, споделува Александар Стојановиќ (30) од Скопје за запросувањето на својата саканата во Лапонија, Финска.

По 10 години и 10 месеци врска, Александар Стојановиќ (30) од Скопје ја запроси својата партнерка Марина Стратрова (30) од Скопје, за време на нивното патување на Северниот Пол во Лапонија, Финска додека на небото се гледаше спектакуларната Поларна светлина.

Лапонија е најголемиот и најсеверниот регион во Финска, а Поларна светлина e природна појава на светлина на небото, особено во поларните региони, предизвикана од судирот на наелектризираните честички под влијание на магнетното поле на Земјата.

На Северниот Пол овој ефект е познат како Аурора Бореалис (или Северна светлина).

За запросувањето Александар директно од Лапонија, открива за CRNOBELO.com:

„На ова патување сакавме да одиме уште пред короната, но поради рестрикциите не можевме.

Исто така имав план целиот настан да биде додека има Поларна (северна) светлина, позната како Аурора Бореалис.

Но, кога стигнавме, два дена не престануваше да врне снег. За среќа, третиот ден небото беше чисто и преку ден се појави Поларната светлина.

Вечерта само што влеговме во сместувањето се вклучи алармот дека се појавила Поларната светлина повторно и во паника Марина некако излезе прва, па јас во тој миг се снајдов и успеав да го земам прстенот.

Отидовме во блиската шума за поубаво да го видиме небото и додека гледавме и Марина беше пред мене најдов можност и клекнав и тогаш ја запросив.“

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело