10 комични актери во сериозни филмови

Кога ќе се навикнете некој актер да ве анимира и забавува, многу е тешко да го сфатите сериозно во неговата следна улога, која тотално се коси со сите претходни.

Овие 10 комичари изградија кариера и слика како едни од најзабавните, но решија да се појават и во сериозни филмови, за промена:

Стив Карел

Познат по своите урнебесни ликови во „40 year old virgin“, „Anchorman“, „The Office“ и други, актерот ја покажа својата сериозна страна во филмот „Foxcatcher“, каде што се појавува во улога на мултимилионерот Џон ду Понт, кој е лидер на тимот „Foxcatcher“ кој тренира за Олимписките игри во Сеул во 1988-ма.

Бил Мареј

Комичарот познат по своите улоги во „Caddyshack“, „Ghostbusters“, „Groundhog Day“ и други, својата сериозна страна ја покажува во „Lost in Translation“, каде што ја игра улогата на Боб Харис – средовечен американски глумец кој е во Токио да сними реклама за виски. Таму ја запознава Шарлот и стануваат нешто повеќе од пријатели.

Џим Кери

Познатиот Лојд од „Dumb And Dumber“, односно Ејс Вентура од истоимениот филм, докажа дека е многу повеќе од само комичар. Својата сериозност ја покажа во „Eternal Sunshine of a Spotless Mind“, како и во „Number 23“ и „The Truman Show“. Сите 3 се филмови кои мора да се погледнат.

Робин Вилијамс

Легендарниот комичар беше неверојатен во кој филм и да се појави. Сепак, неговата сериозна страна ја покажа на неколку наврати и тоа во „Good Will Hunting“, „Dead Poet's Society“...

Во првиот, тој е психолог кој пробува да му помогне на проблематичниот генијалец Вил Хантинг (Мет Дејмон). Во вториот, тој е Џон Китинг, професор по англиски јазик и литература кој ги освојува срцата на своите ученици преку несекојдневниот начин на предавање, како и посветеноста и блискоста спрема нив.

Вил Смит

Познатиот комичар чии најпознати улоги се во „The Fresh Prince of Bel-Air“, „I Am Legend“ и „Man in Black“, својата сериозност ја има покажано на неколку наврати и тоа во прилично тешки филмови како што се: „The Pursuit of Happiness“ каде што ја игра улогата на Крис Гарднер, кој е сиромашен продавач на медицински скенери, и кој ја бара животната шанса за успех, додека се грижи за својот син.

Во „Seven Pounds“ тој е Бен, човек кој си дал задача да го смени животот на седум луѓе, со цел да се искупи за своето минато.

Уште 5 актери на следната страна...