Одлични филмови и серии на Нетфликс со Киванч Татлитуг – еден од најплатените турски актери

Киванч Татлитуг е многу познат турски актер, кој исто така е модел и поранешен кошаркар. 

Киванч Татлитуг е еден од најплатените актери во Турција и има освоено многу награди. Несомнено, тој е премногу згоден за да престанеме да го гледаме, па затоа еве неколку филмови и серии во кој тој има одлични улоги, а можете да ги гледате на Нетфликс.

The Festival of Troubadours (Asiklar Bayrami)

Неочекувана средба ќе ги спои патувачкиот музичар и неговиот син, но ќе отвори стари рани додека тие тргнуваат на долго патување за да учествуваат на фестивал на трубадури. Каква е улогата на Киванч Татлитуг? Ве уверуваме дека ќе ви се допадне!

The Butterfly's Dream (Kelebegin Rüyasi)

Во еден мал турски град, двајца млади поети кои страдаат од туберкулоза се обидуваат да преживеат додека ги објавуваат своите песни. Така и двајцата се заљубуваат во истата девојка, па ова го носи нивниот живот многу поразличен правец.

Money Trap (Organize Isler 2: Sazan Sarmali)

Кога неговата ќерка и зет ќе станат плен на измама, измамникот од Истанбул наречен Асим Нојан влегува во подземниот свет на коцкањето каде што многу работи ќе се случат, но сепак, ќе ве оставиме сами да откриете како продолжува приказната.

Yakamoz S-245

Откако страшна катастрофа ќе ја погоди Земјата, морски биолог (односно згодниот Киванч) на истражувачка мисија на подморница мора да се бори да преживее со екипажот, бидејќи заговорот излегува на виделина.

Kuzey Güney

Кузеј и Ѓунеј се браќа, но не можат да бидат поразлични, и по карактер и во нивната перцепција. Додека постариот брат се труди на училиште и е доброто момче од соседството, неговиот помлад брат не е ништо како него. Кој од двајцата браќа го глуми Киванч Татлитуг? Што мислите?

M. Г. | Црнобело