Автори и книги кои ќе ве насмеат до солзи

Книгите ни го подобруваат расположението многу повеќе од интернетот или телевизијата. Иако денес луѓето се помалку читаат, се надеваме дека после овој текст ќе земете некоја од овие книги во раце и ќе се сложите со нас.

Книгите на овие автори навистина можат да ве насмеат:

Тери Прачет

Еден од најсмешните писатели на денешницата, неодамна починатиот Тери Прачет бил хумористичен виртуоз. Неговите книги се најзабавните и најчудните нешта што некогаш ќе го прочитате.

Изберете било која од неговите книги, кои најчесто се поделени во неколку епизоди. Нашиот совете, доколку знаете англиски, бидејќи не постои македонски превод на ова дело, да ја прочитате книгата „Good omens“, која е соработка на Прачет и Нил Гејман.

Сите дела на Прачет се одлични, па, доколку сте фан на фантастика, Прачет е идеален избор за вас.

Даглас Адамс

„Автостоперски водич низ галаксијата" е една од најчитаните и најпопуларните научно-фантастични комедии.

Освен книгата, постои и екранизација, но наша препорака е прво да ја прочитате книгата.

Бранислав Нушиќ

Од соседната Србија ни доаѓа уште еден одличен комедиограф, Бранислав Нушиќ.

Неговото дело „Автобиографија" е смешен поглед на животот на едно момче. Од неговата прва љубов до смешните описи на училишните искуства и наставниците. Оваа книга ќе ве врати во детството.

Алан Форд

Дело на италијанскиот мајстор Макс Бункер. Овие стрипови во поранешната Југославија биле многу популарни.

Речиси да не постои лице кое нема прочитано барем една приказна за легендарната група ТНТ. Доколку не сте еден од нив, нашата препорака е веднаш да најдете некое издание од овој стрип и да уживате во овој  безвременски хумор.

Автор: М.A. | Црнобело