Зима со мирис на капини и две други приказни за љубовта кои ќе ве разнежат

Книгата е подарок којшто можеш да го отвориш одново и одново, а ние не можеме да се согласиме повеќе.

Zima-so-miris-na-kapini-i-2-drugi-ljubovni-prikazni-koi-ke-ve-raznezat-01.jpg

Бидејќи, како што се рекло – литературата е мост помеѓу мизеријата и надежта, време е да преминете на светлата страна со овие 3 неверојатни приказни за љубовта кои ќе ви го разнежат срцето, токму навреме за празниците:

Зима со мирис на капини - Сара Џио

Вера е самохрана мајка која одвај врзува крај со крај во Сиетл. Годината е 1933-та, а таа мора да замине на работа во локалниот хотел каде што работи како собарка, оставајќи го 3-годишното синче Даниел сам дома, бидејќи нема друг избор.

Наредното утро кога излегува од работа, забележува дека градот е покриен со снег, иако е месец мај. Кога стигнува дома, Даниел го нема. Надвор е само неговото мече фрлено на улица, а снегот веќе ги покрил трагите на оној кој го зел Даниел од нивниот дом.

Zima-so-miris-na-kapini-i-2-drugi-ljubovni-prikazni-koi-ke-ve-raznezat (3).jpg

Робинката - Кетрин Лим

Хан има само 4 години и е најмалата ќерка во сиромашно семејство во Кина. Наскоро ќе биде продадена како робинка во куќата на Ву и оформува цврсто пријателство со младиот наследник.

Но, работите се менуваат кога таа ќе стане тинејџерка. Хан е силна, горда и вљубена во младиот господар.

Нејзиниот живот прераснува во борба против традицијата, како и тиранијата во свет каде што жените се користат како робинки за сексуално задоволство.

Извонредно моќна и раскошна приказна за љубовта, борбата и истрајноста.

Zima-so-miris-na-kapini-i-2-drugi-ljubovni-prikazni-koi-ke-ve-raznezat (1).jpg

Бродолом - Рабиндранат Тагоре

Поетот кого го нарекуваат уште и славејот на Индија, опишува љубовен триаголник меѓу адвокатот Рамеш, Хемналини која е нежна, добро воспитана и еманципирана млада жена и многу убавата Камала, која е сираче без родители.

Низ една топла и нежна приказна на одличен начин е отсликана индиската традиција, што значи жртвата која опфаќа откажување од сопствената среќа, како и честа на девојките во овој богат шаренолик културолошки свет.

Zima-so-miris-na-kapini-i-2-drugi-ljubovni-prikazni-koi-ke-ve-raznezat (2).jpg

(О)Милена | Црнобело

Би можело да ве интересира:

„Мило мое дете“ и уште 2 нови книги со кои ќе го заокружите овој декември Можеби сте премногу зафатени со украсување, претпразнични подготовки или пак куп...
Без кои книги не смеете да си заминете од „Саем на книга 2022“? (втор дел) При посетата на овогодишниот Саем на книга, евидентно е дека македонската издава...
Три нови, возбудливи книги кои ќе ви го одвлечат вниманието од секојдневните проблеми „Дали еден човек чита или не – тоа веднаш се забележува. Помеѓу луѓето нема пого...

Најчитани неделава

sonovnik-sidebar.jpg