Загор и Дилан Дог - стрип јунаци кои сè уште постојат

Во време на модерната технологија, стрипот успева да преживее. Иако, главното внимание е свртено кон супер-хероите и новите модернизирани ликови, сепак Загор и Дилан Дог успеваат да опстојат. 

 

За оние кои не се запознаени со овие култни ликови во продолжение следува кратко објаснување за истите.

Загор

Култниот стрип јунак од 1961 година на сценаристот Серџо Бонели и цртачот Галијено Фери е актуелен и денес. Неговото полно име значи Загор Те-Неј што на индијански јазик значи дух со секира.

Приказната е лоцирана во Северна Америка, поточно во пространата шума Дарквуд. Епизодите се едно временско навраќање во период што е многу поразличен од денешниот и благодарение на атлетско градениот Загор и неговиот интересен и дебел помошник Чико, со потекло од Мексико, се соочуваме со голем број на згоди и незгоди што поминуваат двата лика.

Од борба со Индијанци, чудовишта и вештерки до пресметки со натприродни сили и магии. Тоа е светот на Загор, кој и покрај има децениско постоење.  

Дилан Дог

Италијанскиот хорор стрип серијал за банкротираниот истражувач на ноќните мори -  Дилан Дог за прв пат се појавува во 1986 година.

Измислен од италијанецот Тицијано Склави, пишувач на стрипови и романсиер, а во почетокот цртан од Клаудио Вила,  како и ред други имиња, меѓу кои и Корадо Рои. Како матичен издавач стои издавачката куќа Серџо Бонели Едиторе.

Дилан Дог е фраер кој има свој приватен бизнис, а тој самиот е специјализиран за борба против натприродните сили и злото. Тој е препознатлив по својот стил на облекувања, кој во секоја епизода е ист, како и по неговиот помошник Гручо со кого всушност и живее во еден мал стан во Лондон, каде се одвиваа најголемиот број од дејствието.

Тука може да се додаде и инспекторот Блок, некогашен шеф на Дилан Дог додека работел во Скотланд Јард. Ова е еден интересен лик кој никогаш не верува во случајности, обожава да чита поезија и да слуша класична и хеви-метал музика. Романтичен женкар, кој секогаш останува сам.

Но и покрај сѐ, Дилан Дог е лик чија животна приказна знае да ви го забрза пулсот и да ве остави буден цела ноќ.

Автор: Е. Х. | Црнобело